على مرايتى

على مرايتى
قابلت حاجات مدايقانى
وعدتها
علشان مسالشى عن نفسى
واجيب الماضى من تانى
لكن فجاه
لقيت بنوته قدامى
وقالت:
جتلك اشكيلك
عشان قطعولى فستانى
وكان ابيض...
ودلوقتى منيش عارفه بياضه ليه يروح منى
وليه مبقاش فى الوانى؟
ولما الخوف ملا قلبى جريت منهم
وحس جميل لكن مرجوف
ندانى بعيد
بعيد عنهم
عرفت ان انتى عايزانى
وشايفه.......
ولسه هتكمل.......
ندتها تعالى وحشانى .....!!!!!
وقفت والخطا بينا كبيرة
بس شىء بينا
عايزانى
اروحلها وهيه
تدارى الخوف ف احضانى
سكت صوتى وكان سامعه
ولما كفى مد يتو
لقف منها دمعه
وااااه يا دموعها فاكرانى ؟؟
ياريت ترجعى معايا
وصوتها اترد بالاحساس كاجمل غنوة جوايا:
طب اعمل ايه فى فستانى ؟!!
خدى من توبى يا كل اللى اتسرق منى
وسامحينى
عشان مقدرتش احميكى
من اللى لونى وشى
بلون ظالم
وباعوكى وخنقونى ......
ومتنا واللى عاش جانى
انا لقيتك
لكن مقدر ش اكون انتى
خلاص غيرت عنوانى
قاللتلى ياريت تعوديلى
واعيش بيكى
انا محتاجه لايديكى
تعالى لاجل ما اسند على كتفك ف احزانى
ومقدرتش
و
و
و
و
على مرايتى
قابلت صبيه ف عنيه
وحبتها
عشان معرفتش اسكنها
فرضيت تبقى سكنانى .....!

اصعب شى الظلم كنا بنسمع عنه او بنتظلم فى حاجات صغيرة بس.....

لما يكون الظلم هيدمر حياتك واجمل احلامك اللى عشت سنين تتمناه
ويجى واحد يكسر كل ده ...؟؟؟بكل بساطه
وتتهم انك انتى اللى غلطانه
بتتغير ملامحك وشخصيتك و يتملى الحزن فى عينكى
وتضيع الفرحه من قلوبنا
لكن نعمل ايه اهو ظالم
نموت احنا علشان يعيش هو
لكن بيهون عليا الايه " وعسى ان تكرهوا شىء وهو خير لكم"

ShoutMix chat widget

بتلف الدنيا بينا

الواحد فى الدنيا ديه عايش محتار حاسس ان كل الاحاسيس بتجيله فى نفس الوقت

شويه يحس انه قريب من ربنا اوووووى وبعدها على طول يلاقى كل الناس بتبكى من خشيه الله

وهو الوحيد مش بيبكى مش عارف ايه السر مع انه قبلها على طول كان بيبكى اوووووووى

شويه حاسس انه عنده هدف وبيحارب الدنيا كلها علشان يوصله

وشويه حاسس انه نسى هو الشجاعه والجراه اللى كانت عنده من شويه جابها منين

وحاجات تانيه كتير............

والاحساس اللى وصلنى دلوقتى انى الدنيا بتلف بيا مش عارفه هتودينى لفين؟؟؟؟؟؟؟؟؟

اهلا وسهلا بيكم فى مدونتى

وهى لسه فى مرحله الانشاء

وان شاء الله تكون فى المستقبل على احسن وجه

وكل عام وانتم بخير بمناسبه شهر رمضان الكريم